أمسيات الحسن. قصيدة. .30/ 12/ 2021
( غيامة نهاية العام )
بقلم الشاعر : حسن حلمى
مش باقى مني غير
شوية صبر بالموال
ولا ليله والله
نشكى بمر الحال
حد القمر ما يبان
ويعدى بينا فوق
سحابه تمر
عدى الغيامه
وعدى بينا الكل
دول كانوا ناس
متسرسبين
على العمر
وسقونا طعم المر
عدت ليالي
وقولنا كله يمر
ولا حد فيهم
يستاهل هالعمر
ياما سقينا الشهد
بأيدينا
ولا حد فيهم
يوم سأل فينا
كنا القمر بيطل
نهدى الطريق
للنور
ولا نكشف
المستور
وهما يبيعوا
ويشترو
فينا
كأنك بسوق والعبد فيهم حر
أه ياني منك
يا زمن وأهين
نفسي أتوب
عن طيبتي
واجرحهم
حد الوتر
ما يئن
حد العيون
ما يبان ما بينهم حزن
والله
ياناس
أنا كنت بسمتهم
كنت بحس الرمش يتكلم
قبل ما ينزل
دمع
ألمس بكفي على الخد ويسلم
أه يانى منك
عمر
فاتت سنينك مر
على ناس ماتستاهل حتى ضحكتنا
ولا يوم
بحلوه يمر
وعدت ليالي العمر
ولسه يا قلبي
ما اشتكيت
المر
اصلك أصيل وتدارى اوجعاك
ولا حد فيهم
حس نبضك مل
ولا مال بليله يحن
ما فضلش مني
غير شوية
صبر
متقسمين على العمر
فاضل يادوب
كام ليله
ويعدو
لدوق حناني المر
قبل العمر
ما يمر
بقلم الشاعر : حسن حلمى
