مساء الغد يا معلم
محمد ضباشه
عضو اتحاد كتاب مصر 🇪🇬
مساء بيعبى فى دماغه
أصول العلم لجليكي
يهز الترس فى دراعه
تدور الساقية ترويكي
تنور فى الخريف قاعه
وتسقى كل ما ليكي
علوم عن جد تنهض بك
فيدن فجر لياليكي
على سبورته أتعلم
قانون العشق لعنيكي
وأنهض بيه ولا اسلم
بجهل يغول فينا وفيكى
مساء بيقول له يا معلم
غدا أنت الهوى فيكى
ومهما كنت متألم
ضمير العلم بيعلم
على مركب بتتسابق
ترجع مجد ماضيكي
لجليكي : من أجلك
