لحظة مابدي اموت// للشاعرة هبه شدود//سوريا🇸🇾

لحظه ما بدي موت
سامع لبكرا صوت
عميندهلي تعا
أحلامنا غفيت
ضحكاتنا بكيت
وبجيبتي خبيت
منديلك يا أمي
لحظة ما بدي فل
دعيلي يا ست الكل
عالبعد شو مجبور
و عغيبتك مقهور
بس الدني صعبة
ضميني يا أمي
ولا تزعلي مني
تربيلي ابني بحضنك
شو كنت متمني
ضميني يا أمي
عمبحلم ببكرا
والدنيي غدارة
بزرعلا ورد وفل
بتراشق حجارة
بقارب صغير مشيت والبحر شو جانن
وعرفت برا حضنك ماعاد في حناين
صار الموج محتار شو بدو مو باين
في الو معنا تار ورح ياخد رهاين
تاري الموج طماع بدو الكل باين
ببكي وبأعلى صوت عمنادي يا أمي
لحظة ما بدي فل
بقلبك أنا رح ضل
ولولا نساني الكل
بتتذكري أمي
ابنك بحضن البحر
بيرمي سنين العمر
هربان من موت وقهر
مات وترك قلبك
عغيبتو مقهور
Heba Shadoud