سحراني
——-
روقى الفنجان زين
وقولى يا خاله
هو ليه من نظرة عين
بيدق القلب الدقه دقتين
وشارد وحالة حاله
ليه ياخاله.قولى ياخاله
هى سحرالي ولا سحراني
تقرب افراحى وتبعد أحزانى
ومن غناها اه يا اني
وروحى فى سماها بتتمناها
وغوياها وعشقاها ورحالا
هو دا ايه يا خاله
قولى يا خاله
انا اللي مسهرني
لا الرمش ولا النني
ولا قمرها اللي اسيرني
هو اللي مجننني
جمال روحها القتالا
اعمل ايه ياخاله قولى ياخاله
يامهره قلبى مش صخره
وحده وحده خايف من الكسره
موتى فيكى لا اشاعه ولا شهره
عطشان يا مايه ف الصحرا
اسقيني واسقيني وسبيني
احضن عنيكى وارويني
يا ام العيون النعسانه
انا اللي مسهرني لا الرمش ولا النني
هو اللي مجننني جمال روحها القتالا
اعمل ايه ياخاله قولى ياخاله
يافنجاني ياترى حساني
ياترى شيفاني ياترى سمعاني
ولا نسايه مش حاسه بغنايا
قولي يامنايا اكتبى هنايا
الكلام عليكى ايوه ليكي
بتقولك عنيا رودي عليا
ولا ايامك عليه بتتعالا
هو دا ايه ياخاله. قولى ياخاله
اللي رابطه قلبى ف منديلها
اللي واخده عقلى بمشاعرها
ياخاله قوليلها ليه انا بغنيلها
ليه انا مسجون ف مواويلها
وحافضل اقولها واقولها
بحبك بحبك والدنيا سمعانه
انا اللي مسهرني لا الرمش
ولا النني هو اللي مجننني
جمال روحها اه القتالا
هو دا ايه قولي يا خاله
بقلم على عبدالرحيم محمد
