همسة حب
٠٠٠٠٠٠٠٠٠
ابعد عنها يا ألم
واكتب عنها ياقلم
حبيبة كل الدقات
طبيبة كل الأهات
هي عمري اللي جاي
هي أملي وكل مناي
هي عوض عمري اللي فات
وهدية القدر للقلب اللي اتظلم
واكتب عنها ياقلم
واه ابعد عنها يا ألم
غزلت لها من احساسي
فرحة طايرة مع النجوم
فرحة خالية من الهموم
وشربت من عشقها كاسي
وحسيت من ودها كل ناسي
انا اللي طول عمري بقاسي
اول فرحة قلبي كانت اليوم
خديني ف حضن لياليكي خديني
عطشان ضحكة عنيكي اسقيني
همسة الحب اللي بينك وبيني
داوتني ونستني سنين الندم
وابعد عنها يا ألم
واكتب عنها ياقلم
معبد السعادة اللي نسيته
ف جنة روحك بناني وبنيته
دواني ونساني احزاني وداويته
عشانك الحب انا هويته وحبيته
تعالي نزرع السعادة
يا أرض السعادة
لكل روح ونبض قلب اتحرم
وابعد عنها يا ألم
واكتب عنها ياقلم
حبيبة كل الدقات
طبيبة كل الأهات
وهدية القدر للقلب اللي اتظلم
وابعد عنها ياألم
واكتب عنها ياقلم
همسة حب
بقلم على عبدالرحيم محمد
