جنوبي
٠٠٠٠٠
جنوبي وتوب الحس توبي
جنوبي وكذب الهمس غروبي
جنوبي وحب غناوي الشمس
اللي بتزرع حكاوي الهمس
هي عشقي اه وكل ذنوبي
جنوبي يابوي جنوبي
تحت العنباية ياتوتاية
ياما كتبت لك غناية
ياماندهت لك يا مناية
ليه زرعالي فدادين للحيرة
لية بنيالي ميادين للغيرة
قولي انك نسياني
قولي انك بيعاني
قولي انك عشقاني
طب قولي انك شيفاني
نجم من كوكب تاني
ودوبي ف احساسي دوبي
يازهرة ياقمرة يا اجمل ثمرة
ياه ياه يا محبوبي
جنوبي يابوي جنوبي
مجروح وعشقك دواية
وليه بحرك مالح معايا
ليه سحرك جارح يا هوايا
قولي ياتوتاية قولي يا قمراية
ايه آخرة حكايتك اه معاية
يا وردتي يازهرتي ياجنوني
جنوبي يابوي جنوبي
يا كلمة صادقة ف غنوتي
يانجمة ساطعة ف عتمتي
ياسكتي بلاش تكوني غربتي
كوني سنين سعادة ل دقتي
كوني شمسي واجمل همسي
يا أما تكوني يمامة شارده ف دروبي
جنوبي يامحبوبي جنوبي
بقلم على عبدالرحيم محمد
