قبل الجمعة بدقايق
محمد ضباشه
عضو اتحاد كتاب مصر 🇪🇬
وقبل الجمعة بدقايق
على نهر الصفا اتوضيت
وجَمَّعُت الرضا بسمة
تطير بيا قوام م الغيط
وسبحة ف قلبى بتسبح
وبتهلل يارب البيت
انا طمعان انول عفوك
وجنب القبلة انا حطيت
وعينى ع الحيطان تقرا
آيات الحب والتسليم
لا شاغلها عوار بكره
ولا يومها من التلطيم
مادام ع القدرة انا واقف
فى محراب اليقين صليت
ويدي للسما عايمة
تقول للصمت ليه ما نسيت
وصرخة فى دعوتى قايمة
تصحى الكرسى م الحواديت
وتفتح للصلاح سكة
تمشى الحاشية جنب الحيط
ساعتها بسمتى تحلى
واقول من حوتها انا عديت
على شط الحياة صاحي
ومن قاعها أكون شبيت
بسم الله الرحمن الرحيم
إن الله لا يغير ما بقوم حتى يغيروا ما بأنفسهم
صدق الله العظيم
