سنة حلوة علينا وعليكم
قولوا إن شا الله
×××××××××××××××××××××
سنين رايحة من عمرنا وسنين أديها جاية
والثانية بتعدي………… وراها ستين ثانية
وعقارب بتلف علينا…. بدس سمها وعامية
والحياة صايصة….. وأصلها بالنهاية فانية
والكل بيحسب ليها … بلا منفعة ولا فايدة
الضمير مات في ……الناس العامية العايبة
والحق ضاع في.. الدهاليز المخابئ الخايبة
والعدل شاخ بقوانينه.. الروتونية و السايبة
وسنة بالفرح بتقول ………خلاص أنا جاية
وسنة بالحزن مرت……….. علينا ومش جاية
وناس عايشة وناس……… فاكرة انها عايشة
النوم بيكفي البطون ..ديما جوعى والخالية
والفقر أصبح عيب للناس المتعودة العالية
والغنى أصبح صح…. للناس الجهله الواطية
السرقة حلال بيقولها دوما الحرمية والسفلة
والجِباية كثرت علينا …والنهاية قربت جاية
والماية جفت بالبحور….. والقنوات والساقية
الأيام صعبة وشايكة …والناس طبعها خايفة
وناس بالفتة غرقانة……….وناس عليها عايمة
والأسعار بقت نار…….. سخنة ومولعة حامية
والجشع بقى علامة…. وتجارة رايجة ورابحة
والمهرجانات بقت….. زمبليطة وهيصة فاشلة
والفشل بقى شماعة ….وعلاقة للناس للفشلة
والاشاعات كثرت علينا في الرايحة والهايفة
والتعليم عايز ناس تكون ليه واعية و فاهمة
والصحة راحت مننا…….. بلا عودة ولا راجعة
والبامية والكوسة …….بقوا خلطبيطة بالطة
والدنيا بقت علينا……………… هايصة ولايصة
والاعلام بيطبل وبيرقص.. لينا على الواحدة
ومحدش فاهم حاجة….. من الساسة والعامة
والكل بيخبط في الكل….. بلا عقل ولا حكمة
وراحت سنين وسنين……… أديها علينا جاية
فكن مع ربك تسعد……………. بالدنيا والآخرة
واُرفع دعائك لصلاح …….حالك وحال الأمة
يا رب اجعلها سنين خير واُرحمنا من الخنقة
سنة حلوة علينا وعليكم…. قولوا إن شا الله
أديب وشاعر مهندس /محمد عوض
31/12/2022
