وضاعت سنين عمري
كلمات / أيمن البكري
وأنا ماشي ف يوم مع نفسي
ف عيني دمعتي ومش قادر أبكي
جوه مني عذابي ويأسي
ولقتني بتضحكلي الأيام
قولت أسافر يمكن أبني الأحلام
وسافرت وإكتشفت إن كل داه كان أوهام
سنين طويله وأنا
عايش لوحدي هنا
بشكي حالي لحالي
سنين طويله وأنا
عايش لوحدي هنا
ماليش حبيب ولا غالي
سنين طويله وأنا
عايش لوحدي هنا
وإتهدت كل أمالي
ورجعت وأنا عيني مالياها دموعي
رجعت ويارتني ما جاه يوم رجوعي
وضاعت سنين عمري
وأنا ببني ف الأحلام
وبحارب الأيام
وطريقي من قدامي
كله عذاب وألام
إذاي بقا أتحمل كل داه أنا وقلبي
سنين عشت أسير
الجرح ف قلبي كبير
تايه وماليش مصير
كان نفسي ألاقي حد جانبي
ودموعي ماليه عنيا
والجرح أصبح ليا
والألم بقا جوايا ساكني وعايش فيا
وضاعت سنين عمري
والدنيا إل خانتني
أمنتلها ضيعتني
جرحتني وسابتني
أبكي وأتألم
قاسيه قوي عليا
بتحطم وتهد فيا
وأنا راضي بكل ألامها
وجبان قوي قدامها
ضعيف ومسلم
وحبيبتي إل حبيتها
وسنين عمري إديتها
هي كمان باعتني
ف أول فرصه سابتني
وأنا ولا بتعلم
الدمعه جوه نني
وحقي خادوه مني
ساكت ولا بتكلم
داه وأنا ف غربتي
جوايا عذابي وألمي ودمعتي
تايه عن طريقي ومش لاقي سكتي
تعدي الأيام وأنا ضايع ومتحير
والسنين ف ملامحي بتغير
مستني يوم رجوعي ونهاية رحلتي
