قلب مجنون
———–
شجرة الدر
انا لا أيبك ولا أقطاي
ولا من هجرك
حابكي مع الناي
يا جبل صبري قلبي عشقها أزاي
يا كل عمري اللي راح واللي جاي
قلبى انا مجنون
قلبها صحرا جاردا
نبضها صخره جاحدا
لابس توب المعاندا
وقلبي عاذب للنهاردا
وساجن حرماني وبكاي
يا جبل صبري قلبي عشقها ازاي
يا كل عمري اللي راح واللي جاي
قلبي أنا مجنون
وعمرها كهف فيه الحنان
مع اهل الكهف نعسان
وفيه الحب جف ومع النسيان
وفيه الاخلاص مات خلاص
واندفن مع الاحساس
والف اه ماعدش جاي
ياجبل صبري قلبي عشقها ازاي
ياكل عمري اللي راح واللي جاي
بعترف قلبي انا مجنون
يا زرع الكاهنه يا نار ناسك
يافرع السحره والسحر كاسك
فى مقابر مشاعرك واحساسك
فى مقابر عواطفك وحنانك
حنطي جحودك وخداعك وذنوبك
حجري ظلمك وقسوة قلبك وغرورك
واتكحلي ولومره بالحنيه اللي ف تابوتك
وامشي يا دره ف لياليه واتوضي
ولو مره من حلال عنيه
وتعالي جنب قلبي وصلي
وابكي وابكي وابكي
وكل دمعه عن غدرك تحكي
عن ضباب مشاعرك تحكي وتبكي
ومطر سماكي ليه يشكي ويشكي
وصلي ومطري قسوتك وكفاري
يمكن النسيان يعيش ف لياليه
ومعبد الإنتقام اهده بأديه
واكتب على تابوتك المسكون
مات قلب حبيبتي اللي بيخون
حببتي هى اللي قلبها مجنون
قلب مجنون
بقلم على عبدالرحيم محمد
