مش انتا
مش انتا مش انتا
انتا حد تاني
مش انتا اللي رويته
من حبي ومن حناني
مش انتا اللي عليه
ضاع عمري وضاع زماني
مش انتا اللي بسهوله
تبيع عشق السنين
ابدا دي مش معقوله
ومين يصدق مين
مش انتا اللي تخون
وجرحي عليك يهون
مش انتا اللي في لحظه
تقتل كل الأماني
وقوام كده تنساني
مش انتا مش انتا
انتا حد تاني
***
عنك ياما سمعت كتير
وفضلت احبك قوي بضمير
كنت عليك م الكلمه بخاف
كنت عليك م النسمه بغير
كنت لما تقولي انا جاي
قلبي من الافراح بيطير
والدنيا ماتبقاش سيعاني
لوعدى يوم ولا شفتك فيه
أسهر وحيرتي عليك شغلاني
وكنت عندي حبي الأخير
وكنت حبي الأولاني
مش انتا مش انتا
انتا حد تاني
***
كنت بكدب اي كلام
ممكن يهد قصر الغرام
كنت باخاف ل الحب يضيع
بالشك بيننا اوبالخصام
كنت باقول للدنيا حبيبي
عندي احلى من الاحلام
الناس عليك كانت حسداني
وكله كان يتمنى مكاني
مش انتا مش انتا
انتا حد تاني
***
ياما قالولي وماصدقتش
ومعاك في عهدي انا مارجعتش
لكن لما شفت بعيني
منك انا انا ماتوقعتش
انك تبيع انك تخون
انك معايا في الهوى ماصدقتش
كنت بتلعب بيا سنين
وكل الناس كانو عارفين
وانا اللي وحدي ماعرفتش
سحرك غير كل كياني
صدقي معاك في الحب عماني
مش انتا مش انتا
انتا حد تاني
***
الحب قالو عنه زمان
بحر غويط ومالهش امان
وياما موجه خطف عشاق
وكتير ضاعو من الحرمان
صدقتهم وانا كنت باقول
الحب اجمل شيء علطول
لما غدربي وعذبني
وبقيت ضحيه من المجاريح
بقاسي من ناره واعاني
واللي رماهم برضو رماني
واللي كواهم دا اللي كواني
مش انتا مش انتا
انتا حد تاني
•••
كلمات
شاعرالإحساس
رضاعبدالحميد
