الغربه هم وويل
بقلمي محمد عناني
الغُربه إيه غير ويل
ف نهارها أما الليل
بيعدى صعب طويل
مع فَكرُه حمله تقيل
لجبال همومه نشيل
وكمان دموع بتسيل
لحنين وشوق عندنا
دي الغربه يا عمنا
تمنها إيه غير دمنا
وضياع سنين مننا
بتاخد زهور عُمرِنا
ودا غير فراق أهلنا
وساعات يتوه حلمنا
ما نلاقي حتى دليل
وأنيسنا وِحدَه خليل
وعذاب وهَدِت حِيل
حصيلتها جسم عليل
وشبابنا شمسه تميل
لغروب وماله بديل
من غُربه هيا الويل
في نهارنا أوفي ليل
