#وياأسفي
وهانت عشرتي على قلبك البياع
كأني والولاد بكتيرو. كنا متاع
بنشبه معلقة و فنجان نسيته وضاع
فياأسفى على عمري اللي عشته خداع
وكنت الدم فى وريدي وكنت شعاع
اتاري كل ده كان وهم فى خيالي
تبٍعني والوداد والقلب وعيالي
يزيد غيك تلخبط كل احوالي
تطلقني غيابي بعنف وتعالي
وكنت الستر اول بختي وحلالي
تضيعني برغم انك فى جسمي الروح
تتوهني وقلبي معاك مكان ماتروح
وبتبدل شراييني ندب وجروح
نفذ اخر رصيد عندي وسكت البوح
يا صحرا وكنت انا فيها شجر للدوح
رفعت المظلمة للواحد القهار
سألته الستر والعفة وييجي نهار
ينور ضلمة الوحدة ودفء الدار
يحلي المر وقلوبنا بذكره عمار
وخاف انت على نفسك عذاب النار
#ناهدالموجي
