نفسي أحبك بقلم الشاعر علاء الخولي

نفسي احبك
نفسي احبك حب تاني
حب مخلوق للأماني
وأما احبك ابقى عايز
المحال يبقالي جايز
واعترف ان انا حبيتك
لما تبقي في يوم كياني

نفس احبك للنهاية
اي حب مش حكاية
لو خطاوي الدنيا تاهت
لو سنين العمر فاتت
ألقى بيكي عمري تاني
تبتدي مليون بداية

قلبى مليان بالمشاعر
فوق خيال اي شاعر
حسسيني بحب تاني
بس قلبك يبقى قادر
طمنيني إن حبك
شئ بيكبر ملهش اخر

شاعر الأغنية
علاء الخولي