ياللي ملكت المال
إيه فايدته ؟؟
لو مال فيك الحال
لو كان المال بيشتري
النفوس عمر المال
ما يشتري راحة البال
فيه ناس ماتملكش غير
الستر من الله لكن راضية
و صحتها عال العال
وناس معاها فلوس ماتتعد
لكن شايلة حمل جبال
آآه يازمن فيك انعدم
الإحساس
كبرت ناس على ناس
والفلوس بقت تحكم
على النفوس وتدوس
على كل ضعيف حساس
ياللي ملكت المال أوعى المال
يغرك وينسيك في يوم قدرة ربك
داللي عطاك المال قادر ياخده منك
اتصدق بمالك هيزيد واحسب حساب
بكرا
مدامتش الدنيا لحد اللي هتدوم هي
الذكرى
هي الحياة كده
غني وفقير
وإن ربنا أعطاك علشان
تعطي للغير
بلاش تتكبر وتتبطر وتملي كرشك
وتنسى الفقير
دي دعوة الفقير لك كنز
وراحة الضمير لك عز
الله الغني مهما عليت
خليك عبده الفقير
والله مادمتش لحد
وهنيالك يافاعل الخير
بقلم /حنان شوقي اللواء
