راحت طيبتنا بتاعة زمان
××××××××××××××××
عمركم ما حتنسونا ولا تنسوا …..طيبتنا اللى عدت وكان
دحنا عًلمنا عليكو علامة…………. وعَلٍامناكم أصول الحنان
وقال أيه جين تبعونا وتنسونا ………..ده كان زمان زمان
ومفكرين تقدروا تستغنوا عنا وتلاقوا بره من غيرنا أمان
واللى بره ضحكوا عليكوا… وخدوا فرح وادوكم حرمان
ياما سقيناكم صافى الوداد كله ياخسارة مهو فات الأوان
وشلناكم فوق الراس…………. ورفعناكم فوق بأعلى مكان
وكان الطبع فيكم خسيس ….متربى على اللؤم والغدران
والوفا فيكم موضة قديمة وعدت واتقفلت عليها البيبان
والصبر لينا بقى مكتوب أحسن دواء بعزم وقوة وإيمان
وانتم لو لفيتم الكون حتفضلوا تيهين ومضيعين العنوان
والنقص فيكم طريق وسكة… مكتوبة على جبين الزمان
والأخضر بينشف بأديكم………………. وفكركم فكر الجبان
وانتم شبعتم بعد ما جعوتم……….. بأرض البتر والشبعان
والشهامة ضاعت ويا خطويكم وضاعت بطولة الشجعان
وأفضل حل ليكم ترجعوا……… وتستغفروا ربنا الرحمان
أديب وشاعر مهندس/ محمد عوض
18/1/2024
